Pianu di a reta

A reta di i treni corsi si stende nant’à 232 chilometri di vie. A ligna centrale raghjunghje Bastia in Corsica suprana à Aiacciu in Corsica suttana à 158 chilometri una da l’altra. Ghjè un assu Nord’Este / Sud’Ueste, è passa pè Vizzavona è Corti. Una ligna di 74 chilometri vene à cunnettà si in Ponte Leccia è traversa a Balagna pè raghjunghje à Calvi passendu pè l’Isula Rossa.

Zuccata in un ambiente di muntagna, a reta di i treni corsi à via unica metrica è non elettrificata, si caratterizeghja cù una sfruttera cumplessa : a tupugraffia ùn rispara nè l’omi nè u materiale. E successione di rampe à cullà rendenu indispensevule motori boni di i treni da mantene vitezze chì abbastanu è tempi di parcorsi ragiunevuli.

E duie ligne servenu 16 gare è 49 piantate è contanu 1592 operate d’arte cum’è i 59 viaducchi è i 57 tunelli. Sò dedicate à a circulazione di i treni di viaghjatori di manera sclusiva.

Cummencia in gara di Bastia ( Puntu chilometru 0 ), passa pè e gare di Furiani ( PK 5,8 ), Biguglia (KM 9,6 ), Casamozza ( PK 21 ), Barchetta ( PK 29,6 ), Ponte-Novu (PK 39,1 ), Ponte-Leccia (PK 46,7 ), Francardu ( PK 54,6 ), Corti ( PK 73,8 ), Venacu ( PK 85,1 ), Vivariu ( PK 95,9 ), Vizzavona ( PK 106,7 ), Bucugnanu ( PK 116,3 ), Mezana ( PK 144,9 ) è ghjunghje à u so terminus in Aiacciu ( PK 157,4 ).

Cumencia in Ponte Leccia ( PK 46,7 ), raghjunghje à Calvi ( PK 119,9 ) passendu pè l’Isula Rossa ( PK 98,1 ).

Truvate quì 3 carte telecarichevule à u furmatu PDF chì danu una ripresentazione precisa di u so tracciatu.